今次想同大家詳盡分享西班牙的內陸交通攻略。
究竟喺西班牙境內想跨城市旅遊有啲咩交通選擇呢？又有冇一個平台係可以比較曬咁多種交通選擇同埋佢哋嘅價錢呢？知多啲嘅話就睇落去啦～
西班牙境內跨城市的交通選擇
1. ✈️ 內陸機
首先，喺西班牙境內想跨城市旅遊嘅話，搭內陸機就係其中一個選擇。
而提供西班牙內陸機嘅主要三大航空公司就有Vueling airline, Iberia 同埋Air Europa.
Vueling係一間低成本嘅航空公司，主要適合喺歐洲範圍內短途或者中途嘅航班。 佢主要嘅賣點係平，非常適合預算有限嘅遊客。我哋都成日搭Vueling嘅，但係坦白講我哋都試過幾次航班delay或者行李delay。 最嚴重試過有一次因為航班delay咗兩個鐘而令我哋Miss咗下一班機，最後要滯留喺巴塞隆拿一日。不過唔知係咪航班delay嘅情況太常發生，所以佢哋嘅善後服務都好熟練，會送免費餐飲券亦都會迅速安排機場附近嘅酒店比受影響嘅乘客。
相比之下，Iberia 同埋Air Europa就有更加廣嘅國際航線網，比較適合一啲長途航班。雖然佢哋價格會高啲，但係會提供更多同更高質嘅服務。 所以大家可以因應返自己嘅個人偏好和旅行計劃選擇航空公司。
2. 🚆 公共交通-火車/長途巴士:
- Renfe Cercanías
- ALSA
而除咗搭內陸機，乘搭公共交通，亦即係搭火車或者長途巴士都係喺西班牙境外跨城市交通嘅選擇。
搭火車嘅話主要會用到Renfe。佢嘅鐵路網涵蓋到西班牙境內絕大部份嘅城市及其周邊地區，是許多居民和遊客的日常交通工具。
ALSA是西班牙最大的長途巴士公司之一，提供全國範圍內的長途巴士服務。
車票價格根據行駛距離而變化，兩者嘅都算係是budget friendly的選擇。 ALSA價錢一般會比起Renfe親民，不過當然搭火車會比起長途巴士舒適少少，車程亦都會短啲。大家可以根據預算和旅行距離的不同，選擇適合自己的交通方式。
📲 比較應用程式:
- Omio: 輕鬆比較航班、巴士和火車等多種選項
而為了更方便地比較這些選項，我們通常都會用一個幾方便嘅App： "Omio"。
喺呢個app入邊，輸入咗出發地點同埋目的地之後，佢就會即時提供飛機、巴士同埋火車多個選項嘅價格同埋車程。而且亦都會即時顯示埋邊一個選擇係最平或者車程最短。非常之user friendly~
我哋自己都真係幾常用Omio，因為我哋都成日會喺西班牙境內唔同地方遊走，所以好多時都會用到佢去價格。不過Omio除咗西班牙之外，佢嘅服務範圍涵蓋唔同國家同地區，包括成個歐洲，英國、加拿大、美國等等，無論跨國定係國內旅行都啱用㗎，極度推薦鍾意旅遊嘅大家。
可使用此連結預訂旅程🔗：omio.sjv.io/callehongkones