【語言篇｜三大語言你識幾多？】

作為香港人，其中一個最引以自豪嘅點一定係三文兩語都精通喇～ 不過除咗中英文外，世界第三大嘅西班牙文你又認識幾多呢？

喺地球嘅另一邊，西班牙文嘅影響力遍佈成個歐美地區，除咗西班牙，大半個南美洲同墨西哥都係以西班牙文作為母語（當然各地嘅西班牙文會有啲差異），所以用西班牙文作為母語嘅總人口有接近5億人，加埋以佢作為第二語言嘅人口，全世界有接近6億人識講西班牙文！

雖然遠在香港就未必好感受到西班牙文嘅影響力，但係其實我哋經常都透過影音視文化接觸到佢㗎！例如可能大家早幾年聽過嘅Despacito、紅極一時嘅Money Heist、感人肺腑嘅Coco，呢啲都係嚟自西班牙或者拉丁美洲嘅文化，亦都係唔少香港人初接觸到西班牙文嘅媒介。

不過就算以上例子冇聽過/睇過都唔緊要，以下呢個你實識！近年風靡全香港嘅日本品牌DONKI其實都關西班牙文事㗎～事關DONKI呢個名其實係取自17世紀西班牙反騎士小說”Don Quijote”，取其頭兩粒音就變咗DONKI喇，雖然兩者除咗個名以外都冇乜關係，但係呢個改名嘅來源都係鮮為人知嘅冷知識嚟。總之，西班牙文係我哋生活之中都有默默地發揮緊佢嘅影響力㗎，可能大家細心觀察就會發現更多～

¡Hasta pronto!