【飲品篇｜西班牙特色飲品 pt. 1】

上一個post講完西班牙咖啡，今次就同大家講吓西班牙嘅特色飲品。眾所周知，西班牙人係個鍾意飲酒嘅民族，佢哋嘅cocktail可以話係五花八門，以下就係其中5款常見嘅酒精飲品：

1️⃣Agua de Valencia
直譯「華倫西亞之水」，聽落非常有神秘感，其實係款cocktail，原料包括橙汁（華倫西亞出產!）、Cava (西班牙汽酒）、Ginebra (一款gin)同Vodka 等混合而成。

2️⃣Clara
檸檬啤酒，直譯“Clear”咁解，因為加咗檸檬梳打嘅啤酒顏色會清啲而得名。

3️⃣Sangría
西班牙最出名嘅水果酒，直譯「血酒」，因顏色命名。做法有唔同版本，但基本材料有紅酒、白蘭地、梳打水、橙汁、檸檬汁、橙+檸檬+蘋果片等，飲落口感非常豐富。

4️⃣Tinto de Verano
直譯「夏日之紅酒」，同Sangría好相似嘅水果酒，喺西班牙都非常common嘅日常飲品，基本材料係紅酒同檸檬梳打，清新得嚟易入口～

5️⃣Kalimotxo
同樣係易入口嘅cocktail，紅酒加可樂，比例1:1，發源自北部巴斯克地區。

小編表示嚟到西班牙真係飲多咗唔少🤭而唔鍾意酒嘅朋友唔緊要，預告一下，下個post就會介紹冇酒精嘅特色飲品，敬請期待！